Duo Klaro

All paar Tage erzählen unsere Hunde Klara und Jaro mit viel Witz eine Geschichte aus dem Alltag im Hundehotel. Hier finden Sie alle Duo Klaro Geschichten. Viel Spass beim Lesen!

Duo Klaro (Klara und Jaro) erzählt. Geschichten aus dem Hundehotel:

vom 02.01.2018


Jaro: Wow Klara jetzt hemmer scho 2018!!

Klara: Ja gäll! Ich weiss zwar ned wa da bedütet, aber da muess öbis guets si! DMänsche send ämel zäme ghöcklet ond hend gfiiret!

Jaro: Genau! Aber zerst mol: Hallo liebi Leser!!

Klara: Ui fast vergesse! Hallo zäme!!

Jaro: Aber vell hemmer erlebt i dem Johr gäll?

Klara: Ou ja du seisch es! Weisch no grad chorz vor Wiehnachte besch du no go helfe es Hundeli sueche wo abghaue esch!

Jaro: Ou ja! Da esch mega lässig gsi! En mega Chrampf, aber ich has gfunde!!

Klara: Ja!! Du besch met de Esther zäme sofort losgfahre wo de Notruef zObe cho esch das es Hundeli set am Morge vermisst werd.

Jaro: Genau! Wo mr det acho send hani es Deckeli öbercho zom dra schmöcke ond ich ha sofort verstande wasi muess mache!

Klara: Super! Ond denn send ehr los gloffe dEsther ond du.

Jaro: Genau ond dMelanie wo ghulfe het esch au met cho. Ond ich ha svermisste Hundeli immer gschmöckt ond be denn eifach dere Spur no gloffe. Ich ha si ombengt welle fende!

Klara: Wow Jaro ond debi esches doch so chalt gsi ond scho dunkel!

Jaro: Ebe ond omso wechtiger esches gsi das mr si fendet.

Klara: DEsther het verzellt du segsch bes an Fluss abe ond zmitz dor e Boustell!

Jaro: Da stemmt ond weisch Klara normalerwiis hani jo Angst vor Wasser ond so Sache woni ned kenne, aber mehr eschs so wechtig gsi si zfende dasi alles om me ome vergesse ha!

Klara: Ond denn?

Jaro: Denn semmer gloffe ond gloffe. DEsther het gseit ich heb öbe 2 Stond gsuecht! Phu da esch asträngend gsi ond wo mr denn fast weder det gsi send wo sHundeli deheime esch hani nöme möge ond dEsther ond ich send secher gsi das de Hund jetzt scho fast weder deheime esch.

Klara: Ond denn?

Jaro: Denn semmer de Reste no hei spaziert ond wo mr det gsi send esch svermesste Hundeli grad weder hei cho!

Klara: Ou wow so cool! Du heschs also gfunde?

Jaro: Ja! Da esch mega cool gsi!! Ich ha sooo Freud gha ond dEsther au ond die Frau wo sHundeli ghört het au mega Freud gha!

Klara: Ja ond mehr send alli meeega stolz uf de!!

Jaro: Jö, da esch aber lieb vo euch, aber ich ha doch eifach nome da gmacht woni cha. Aber ich be furchbar müed gsi nachher ond ha deheime grad müesse go pfuse!

Klara: Aber du hesch au mega fest krampfet ond hesch si denn au no gfunde! Da esch mega!! Ich ha denn nochli döffe met de Esther schmuse, die esch au mega müed gsi!

Jaro: Klara wemer emol probiere öbi de au fende? Verstecksch di ond ich suech di?

Klara: Ou ja! Looooos! Tschüss liebi Leser bes baaaald!

Jaro: Tschüss zäme!


Duo Klaro (Klara und Jaro) erzählt. Geschichten aus dem Hundehotel:

vom 22.11.2017


Jaro: Hallo liebi Leser!!
Klara: Hallo zäme! Oh Jaro meinsch dLeser kennet eus öberhaupt no? Jetzt hends sooo lang nüt me ghört vo eus!
Jaro: Ja Klara da stimmt! Hoffes doch scho dasi eus no kennet. Mehr hend aber au meeega vell erlebt i dere Ziit!...
Klara: Du seisch es! Mehr heisset jetzt nämli nöme eifach Hundeschuel ond Hundehotel. Mehr heisset jetzt Hundeuniversum!
Jaro: Genau!! Tönt super oder? Aber säg mol Klara weisch du was es Universum esch?
Klara: Jaro ich ha ke Ahnig.....
Jaro: Ich ha gseh das sBildli en Hund und so chlini Chugle rundume send. Meinsch da chönt Universum bedüte?
Klara: Ah wart, moment, jetzt chont mehr grad in Sinn ich ha scho mol öbis ghört vom Universum!! Ich glaub da esch da wo mr zNacht gseht wenn mr in Himmel ue lueget.
Jaro: Also dStärne?
Klara: Ja ich glaub es het öbis met de Stärne zdue! Vellecht sells bedüte das mehr alli nach de Stärne griffet?
Jaro: Hä? Jetzt chomi gar nöm drus....also dStärne send sUniversum ond mehr griffet deno? Aber da goht jo gar ned.....dStärne send soooo wit ewegg!
Klara: Hey ja, Jaro, da seit mr denk eso, nach de Sterne griffe. Hesch no nie ghört?
Jaro: Nei so öbis hani no nie ghört.....bringt mi ganz dorenand. Ond was het denn de Hund bi de Stärne verlohre?
Klara: Ou da weissi au ned.....aber die Stärne dreihet sech doch alli om de Hund. Vellecht gohts om das!!! Ich glaub ich has!!!!!Es dreiht sech alles om de Hund!!
Jaro: Ou ja!! Da chönts sie Klara!! Du besch eifach mega gschiid!!
Klara: Schono gäll....aber weisch wa? Vell dänke macht forchbar müed! Ich go chli go ligge!
Jaro: Aber Klara, ned weder ufem Tisch!!!
Klara: Wiso? Esch mega bequem ond ich cha so guet abeluege!!
Jaro: Ja Klara aber de Tisch esch doch ned zom schlofe!!
Klara: Mol för me scho!! Lueg wie bequem!!
Jaro: Oh Klara....denn schlof halt ofem Tisch! Ich go mol zom Vriend, luege öb er chli well splele!! Tschüss liebi Leser! Bes gli!
Klara: *gähn* Tschüss zäme! Bes gli im HundeUniversum.....!!


Duo Klaro (Klara und Jaro) erzählt. Geschichten aus dem Hundehotel:

vom 24.10.2017


Jaro: Hallo liebi Leser!
Klara: Hallo!! Du Jaro, das mol bruchet mehr de Leser ehri Hilf gell?
Jaro: Ja genau so esch es! Also liebi Leser, es goht drom, dass mehr gaaanz es luschtigs ond härzigs Gspöndli öbercho hend!...
Klara: Jaaaa! De Pablo! Ond er esch no soooo chli! Also eigentlich es Baby!
Jaro: Genau! Ond mehr wettet sogern das er för emmer bi eus blibt, aber das goht leider ned hend eusi Mänsche gseit.
Klara: Ja, schliesslich send mehr scho e 9 chöpfigi Familie!
Jaro: Ond de Pablo esch eigentlich chli en Arme. Er het leider ned chöne bi sine Eltere ond sine drü Gschwöschtete blibe ond esch drom zu eus cho!
Klara: Aber er het bi eus so vell neui „Gschwöschteti“ öbercho ond sogar es neue Pflegmami!
Jaro: Ja mega härzig wi sech sQuirly um de Pablo kömmeret gäll!!
Klara: Ja mega ond trotzdem wet de Pablo weder e rechtigi und eigeni Familie ha!
Jaro: Genau! En Mänsch wo rechtig vell Ziit het för ehn ond ehm alles no cha lehre!
Klara: Ou ja, da wer schön!!
Jaro: Ond drom liebi Leser loset doch mol ome öb ehr öber kennet wo im Pablo en Lebensplatz wörd ge.
Klara: Ja, er hets verdient sini Familie för emmer zfende! Er esch nämli soooo en süesse!!
Jaro: Ja das esch er! Also falls ehr öbis wösset oder sogar selber wettet em Pablo sini Familie werde denn meldet euch!
Klara: Genau! DMänsche hend gseit mehr müesset säge ehr sellet euch under www.bullstaff-hilfe.ch melde.
Jaro: Genau! Det hets au no meh Föteli vo dem süesse Fratz!!
Klara: Mehr wördet eus soooooo fescht freue wenn ehr bald sini Familie wörd öbercho!!
Jaro: Ja da wer soo schön!!
Klara: So ich go mol go luege öb de Pablo scho weder zom spele ufgleit esch, ich glaub er het grad pfüselet!
Jaro: Ou ja, ich chome au!! Tschüss liebi Leser, ah ja ond dMänsche hend no gseit ehr döffet das gern teile oder wie das heisst!
Klara: Genau!! Tschüss zäme!!


Duo Klaro (Klara und Jaro) erzählt. Geschichten aus dem Hundehotel:

vom 08.10.2017


Jaro: Hallo!!
Klara: Grüezi zäme! Jaro mehr müend ombedengt verzelle, dass mehr jetzt Hundetrainer sind!!
Jaro: He? Hundetrainer?...
Klara: Ja weisch nöme? Am Donnstig am Morge semmer doch als Hundetrainer go schaffe?
Jaro: Klara ich ha ke Ahnig vo wa du redsch!
Klara: He mol! Weisch mehr send doch met de Esther go Hundeschuel ge!
Jaro: Ah da meinsch du?
Klara: Genau!!! Ond da esch mega cool gsi! Mehr send ergend neueme anegfahre ond det hets Mänsche gha met Hünd ond die hend alli uf eus gwartet!
Jaro: Also die hend uf dEsther gwartet, ehri Hundetraineri.
Klara: Ja, aber of eus au! Well mehr send nämli mega wechtig gsi ond hend de Hünd au super Tips chöne ge wie sis am beschte machet.
Jaro: Also Klara, ich glaub mehr hend eifach döffe met go, aber Tips ge....för da chömet mehr doch vell zwenig drus!
Klara: Aber wieso? Mehr send doch sälber au Hünd!
Jaro: Da stemmt, aber mehr hend doch die Usbeldig gar ned!
Klara: Usbeldig?
Jaro: Hey ja, mr muess doch so e Usbeldig ha das mr cha Hundetrainer si!
Klara: Äh wa! Da chamr ämel au soscht!
Jaro: Wie du meinsch, aber ich has eifach super toll gfunde met all dene döffe mit zlaufe!
Klara: Also ich ha scho ganz genau glueget öb dies alli guet machet, schliesslich semmer jo för da au met!
Jaro: Ja ich has gmerkt das du gnau glueget hesch. Guet ich ha au guet glueget, aber vorallem welli so Freud gha ha de Malik ond de Milo zgseh!
Klara: Jaaa! Das esch lässig gsi ond gäll si hends mega guet gmacht!
Jaro: Ja si hends super guet gmacht ond mehr glaub au?
Klara: Es het emmel vell Leckerli ge, ich glaub da esch es guets Zeiche!
Jaro: Da stemmt!
Klara: Meinsch mehr döffet weder emol als Hundetrainer go schaffe?
Jaro: Also met go döffet mr secher weder emol!
Klara: Juhuuuii! Du aber weisch wa? So als Hundetrainer schaffe esch no rächt asträngend. Ich be müed!
Jaro: Ou Klara chom mehr spellet zerst no e Rondi met eusne Gspöndli!
Klara: Da chasch du scho mache, aber ich bruch jetzt min Schönheitsschlof!
Jaro: Also guet, aber spöter spelle?
Klara: Secher! Pfus guet! Liebi Läser bes gli! Liebi Grüess euchi Hundetrainer Jaro ond Klara!
Jaro: Oh je, jetzt esch si fast chli ibeldet worde! Tschüss zäme ond bes gli!!

 


Duo Klaro (Klara und Jaro) erzählt. Geschichten aus dem Hundehotel:

vom 28.09.2017


Jaro: Hallo zäme!!
Klara: Hallo liebi Leser! Hey Jaro, wemmer vom letschte Sonndig verzelle?
Jaro: Ou ja, gueti Idee!...
Klara: Also an letschte Sonndig hend mehr alli zäme id Chile müesse....
Jaro: Klara! Geb doch de Leser ken Seich a!
Klara: Wieso? Stimmt doch? Okey ned ganz, aber mehr send alli zonere Chile gange!
Jaro: Genau, mehr, also di ganz Familie, send am Sonndignomitag in Bus igstege ond denn semmer ergend zonere Chile gfahre!
Klara: Genau! Sooo cool gsi, sogar sQuirly (also dSally) het döffe met cho! Si ghört jo jetzt au zu eus!
Jaro: Rechtig ond denn semmer det alli usgstege und uf die Stäge ghocket und eusi Mänsche au!
Klara: Ja ond dLara metme riiise grosse Grät esch det gsi ond da het Blitzt ond Grüsch gmacht!
Jaro: Weisch du wa die met dem Grät gmacht het?
Klara: Ke Ahnig! Aber dMänsche hend immer gseit mehr müesset lächle ond de Kevin wo no debi gsi esch het metemne Fuettersäckli graschlet, das mehr alli vöre lueget.
Jaro: Genau ond am Schluss hemmer alli Fuetter öbercho well mehr so brav gsi send!
Klara: Du aber meinsch da het öbis met dem "Making off" zdue wo dMänsche immer devo redet?
Jaro: Ich weiss ned....chönt schono si, di Frau met dem grosse Grät esch jo wege dem au scho do gsi!
Klara: Stimmt!! So oder so semmer alli nudelfertig gsi am Obe gäll?
Jaro: Ämel ich scho! Aber esch en lustige Nomitag gsi gäll?
Klara: Ja total! So aber jetzt hend mehr no vell zdue! Send weder ganz vell Gspöndli cho hött wo ooooombedengt wennd spelle! Machsch met?
Jaro: Ou ja!! Ich schnapp mehr mol sHolly, die mag secher spelle! Loooos!
Klara: Jaro wart ich chome au!! Tschüss zäme!!


Duo Klaro (Klara und Jaro) erzählt. Geschichten aus dem Hundehotel:

vom 10.09.2017


Jaro: Hallo zäme!!
Klara: Hallo liebi Leser! Hey Jaro, wemmer vom letschte Sonndig verzelle?
Jaro: Ou ja, gueti Idee!...
Klara: Also an letschte Sonndig hend mehr alli zäme id Chile müesse....
Jaro: Klara! Geb doch de Leser ken Seich a!
Klara: Wieso? Stimmt doch? Okey ned ganz, aber mehr send alli zonere Chile gange!
Jaro: Genau, mehr, also di ganz Familie, send am Sonndignomitag in Bus igstege ond denn semmer ergend zonere Chile gfahre!
Klara: Genau! Sooo cool gsi, sogar sQuirly (also dSally) het döffe met cho! Si ghört jo jetzt au zu eus!
Jaro: Rechtig ond denn semmer det alli usgstege und uf die Stäge ghocket und eusi Mänsche au!
Klara: Ja ond dLara metme riiise grosse Grät esch det gsi ond da het Blitzt ond Grüsch gmacht!
Jaro: Weisch du wa die met dem Grät gmacht het?
Klara: Ke Ahnig! Aber dMänsche hend immer gseit mehr müesset lächle ond de Kevin wo no debi gsi esch het metemne Fuettersäckli graschlet, das mehr alli vöre lueget.
Jaro: Genau ond am Schluss hemmer alli Fuetter öbercho well mehr so brav gsi send!
Klara: Du aber meinsch da het öbis met dem "Making off" zdue wo dMänsche immer devo redet?
Jaro: Ich weiss ned....chönt schono si, di Frau met dem grosse Grät esch jo wege dem au scho do gsi!
Klara: Stimmt!! So oder so semmer alli nudelfertig gsi am Obe gäll?
Jaro: Ämel ich scho! Aber esch en lustige Nomitag gsi gäll?
Klara: Ja total! So aber jetzt hend mehr no vell zdue! Send weder ganz vell Gspöndli cho hött wo ooooombedengt wennd spelle! Machsch met?
Jaro: Ou ja!! Ich schnapp mehr mol sHolly, die mag secher spelle! Loooos!
Klara: Jaro wart ich chome au!! Tschüss zäme!!


Duo Klaro (Klara und Jaro) erzählt. Geschichten aus dem Hundehotel:

vom 04.09.2017


Jaro: Halllooooo zäme!
Klara: Hallo! Wow Jaro jetzt hend aber eusi Leser scho meeega lang nüt me ghört vo eus! Meinsch sie send öberhaupt no do?
Jaro: Da stimmt Klara, mehr hend aber au sooo vell zdue gha! Ich hoffes dasi no do send! Velecht machet jo die wos leset es "gefällt mir" oder wi da heisst!...
Klara: Ou ja, öber da freui mi immer mega fest weni gseh wie vell Lüt Freud a eusne Gschechtli hend! Meinsch mehr schaffets das Mol das mr 30 söttigi gefällt mir Dinger hend?
Jaro: Da wer sooo cool!! Velecht sogar meh? Aber wemer emol nochli verzelle was mr alles erlebt hend?
Klara: Ou ja, gueti Idee! Also als ersts hemmer met de Mänsche zäme ganz fest im Garte gschaffet.
Jaro: Ja! Mehr hend jo dTerrasse abboue ond denn hemmer so en Vorplatz gmacht met ganz vell chline Stei!
Klara: Gseht mega guet us gäll Jaro?
Jaro: Ich fend scho, ich fends nome chli doof das mehr jetzt nöm immer grad direkt bi de Mensche chönd si.
Klara: Da stimmt. Ich muess immer dor de Haag dore luege zom dMensche gseh...
Jaro: Aber meischtens döffet mr jo sowiso au ufem Cheesplatz si, da esch lustig!
Klara: Ja da chrüselet so a de Füess!
Jaro: Ond wasi au scho ganz lang ha welle verzelle, velecht möget sech eusi liebe Leser no a eusi gueti Fröndin erinnere wo so fest Problem gha het metem Fuess?
Klara: Genau! Mehr send so froh dases ehre hött weder guet goht! Ergendwie fehlt ehre so e Chralle, aber da macht ehre nüt us!
Jaro: Nei, sie döff änlich weder spele met eus!!
Klara: Ond es goht ehre rechtig guet!! Sooo schön!!
Jaro: Klara jetzt beni aber mega gspannt wie vell mehr vo dene gefällt mir öber chömet!!
Klara: Jaaaa ich au!!! Ich well grad go zelle!!
Jaro: Ich chome au! Bes gli liebi Leser!!
Klara: Bes baaald!


Duo Klaro (Klara und Jaro) erzählt. Geschichten aus dem Hundehotel:

vom 15.08.2017


Klara: Hallo! Phuuu Jaro ich be mega müed!
Jaro: Grüezi zäme! Klara ich au! Wetsch du verzelle?
Klara: Also guet, liebi Leser gester esch grosse Omboutag gsi bi eus! Eusi Mänsche ond mehr hend zäme dTerrasse abboue!...
Jaro: Genau! Sesch mega asträngend gsi aber mehr hend flissig met gholfe!
Klara: Ja weisch ich glaub dMänsche wered jo allwe gar nie fertig worde wenn mehr ned gholfe hettet!
Jaro: Da glaubi au! Si hend zwar gseit mehr stöchet meh im Wäg ome als soscht öbis aber da fend ich ned!
Klar: Nei secher ned! Guet ganz fertig worde semer jo ned, aber fascht!
Jaro: Ond stell dehr emol vor, mehr hettet ned gholfe....
Klara: Jetzt müemer denn nor no hälfe de Garte weder rechtig schön mache!
Jaro: Velecht esch besser wenn dMänsche da elei machet, oder wa meinsch?
Klara: Mhm chömer jo denn spontan entscheide. Aber mehr gfallts jetzt emel scho mega guet!
Jaro: Ja mehr au! Da werd cool! Aber Klara da vele luege öbs Mänsche rechtig machet het mi jetzt scho chli kapott gmacht, ich wett hött vell schlofe!
Klara: Wemer ned witer mache?
Jaro: Nei hött döffet mr ned, dMänsche hend gseit set Firtig oder so....
Klara: Was au immer da heisst! Aber denn chömer eus jo nochli erhole! Ich glaub mehr verzellet au gar nöm vell meh oder? DMänsche hend jo Föteli gmacht wo dLeser chönd a luege!
Jaro: Genau ond ich mag sowiso nöm mehr verzelle! Ich go jetzt wörkli nochli go ligge!! Tschüss zäme!
Klara: Ich au! Tschüss ond bes gli!


Duo Klaro (Klara und Jaro) erzählt. Geschichten aus dem Hundehotel:

vom 07.08.2017


Jaro und Klara: Haaaaallllooooo zäme!!
Jaro: Klara schrei doch ned so!
Klara: Ha ned meh gschroue wie du.....aber velecht liits dra, dass mr vom 1. August da luute Gechlöpfe gwöhnt send....
Jaro: Ja da cha si! Esch aber au wörkli luut gsi gäll?
Klara: Ich be eifach immer verschrocke....bi jedem Knall ond du hesch glaub au chli Angst gha gäll Jaro?
Jaro: Angst?! Neii.......okey es betzt. Aber wörkli nome es betz!
Klara: Jaja.....Jaro da esch nüt schlimms! Besch definitiv ned de einzig gsi wo Angst gha het.
Jaro: SGuete esch gsi das mehr do alli zäme gsi send ond die wo kei Angst gha hend eus es betz hend chöne beruige!
Klara: Ja da stimmt ond dMänsche send jo au do gsi ond hend immer weder glueget öbs eus no guet goht.
Jaro: Genau! Ich be froh gsi hets zwösche dore no rechtig fest grägnet, denn esch nämli ame ruig gsi.
Klara: Stimmt! Weisch du eigentlich was da gsi esch wo immer so klöpft het?
Jaro: Also dMänsche hend gseit da esch well anderi Mänsche Rakete oder so ablönd.
Klara: Rakete? Wa esch da?
Jaro: Da weissi au ned so gnau....ha nome wos dunkel gsi esch gseh, dasses meistens nach somne Knall hell worde esch am Himmel.
Klara: Ah da hani au gseh, gäll da wo so farbig gsi esch? Da het aber mega schön usgseh!
Jaro: Ja da hets, aber es esch so luut gsi! Ich has wörkli ned so cool gfunde....
Klara: Aber jetzt eschs verbi ond niemer het me Angst ond ich ha da vorher au no ned mängisch ghört. Ich glaub dMänsche machet da ned so vell.
Jaro: Ja hoffet mrs! Ich weiss no dasi da schomol ghört ha ond det au scho zemli Angst gha ha, det eschs aber mega nöch gsi. Das mol eschs jo chli wiiter ewegg gsi.
Klara: Ou ja da weissi au no! Ich glaub da esch vorme Johr gsi! Det besch du me doch cho bsueche!
Jaro: Genau! Demfall machet dMänsche da nor eimol im Johr?
Klara: Gseht fast so us!
Jaro: Phu beni froh! Denn hemmer jetzt weder gaaanz lang Rue!
Klara: Ja! Du aber wie lang esch es Johr?
Jaro: Ke Ahnig! Chom mehr gönd mol de Idi go froge, de weiss fascht alles ond er het nämli au kei Angst gha ab dem Klöpf, er weiss da secher!
Klara: Also! Uf los gohts lo, wer zerst bi ehm esch het gunne.....!!
Jaro: Klara wart, mr müend eus doch no verabschede!
Klara: Kei Ziiiiiit!
Jaro: Ou man immer sgliche! Liebi Leser, bes ganz bald! Tschüss zäme!


Duo Klaro (Klara und Jaro) erzählt. Geschichten aus dem Hundehotel:

vom 29.07.2017


Jaro: Hallo!!
Klara: Hoi zäme ond entscholdigung das ehr sooo lang nüt me ghört hend vo eus, aber mehr send letscht Woche so beschäftiget gsi!
Jaro: Da stimmt! Es send nämmli Sommerferie oder wie da heisst und ganz vell Hünd send zo eus it Ferie cho!...
Klara: Genau ond mehr hend eus sooo fest gfreut alli eusi Gspändli weder emol zgseh das mr ganz vergesse hend euch öbis zverzelle!
Jaro: Ja esch so cool das Gspöndli wo mr zum Teil scho lang nöm gseh hend weder do send!
Klara: Und di meiste gönd au zObe ned hei sondern schlofet do bi eus! Da esch so lässig!
Jaro: Jaaa!! Aber mehr send alli ganz brav ond schlofet zNacht....ämel meistens!
Klara: Ah ja?! Ond wa esch vorgester gsi wo du ond de Bilo no bes zmitzt i de Nacht Seich gmacht hend?
Jaro: Klara! Pssst! Das läset doch eusi Mänsche au.....
Klara: Ähm....also nei, mehr send brav ond schlofet zNacht IMMER!! Besser Jaro?
Jaro: Super! Weisch mehr send jo extra ganz liislig gsi dases dMänsche da ned ghört hend!
Klara: Also me hets gstört, ich ha welle schlofe....
Jaro: Jaja Klara, ich sägs dehr denn au weder einisch wenn du und de Till omeblödlet!!
Klara: Ja esch jo scho guet! Ich freu mi mega uf Morn!
Jaro: Stimmt! Morn fiiret mr es grosses Sommerferieabschedsfest!
Klara: Genau! Velli vo eusne Gspöndli gönd nämli scho weder hei ond mehr wend allne nomol danke säge!
Jaro: Ja ond ich glaub dMänsche fiiret au öbis, Geburtstag oder so. Weisch du wa da esch?
Klara: Ja ich glaub Geburt esch doch da wo mr met de andere Welpe uf dWält chunt?
Jaro: Da chönt si! Du meinsch es chömet morn Welpe uf dWält? Juhuuuii!
Klara: Nei Jaro! Ich glaub dMänsche fiiret a dem Tag dasi uf dWält cho send. Weisch? So wie wenn mehr es Johr älter werdet!
Jaro: Aha!! Chömet die au e Wursttorte öber?
Klara: Ich weiss ned.....da hani nonie gseh....
Jaro: Esch jo au egal! Hauptsach mehr döffet eus no rechtig fest vo eusne Gspöndli verabschede! Ich vermesse die wo hei gönd jetzt scho! Esch so en tolli Ziit gsi!
Klara: Genau ond danke säge dasi do gsi send! Liebi Herrchen und Frauchen vo eusne Gspöndli, gönd bitte bald weder it Ferie, denn chönd alli eusi Frönde weder zu eus cho!
Jaro: Ja! Ond au danke vell mol a alli eusi Hundegspöndli för die super tolli Ziit! Mehr freuet eus soo wenn ehr weder chömet!
Klara: Jaro hesch eigentlich gseh, es hend sech alli scho useputzt för sFäscht morn ond extra för es Föteli in Pose gworfe!
Jaro: Ja! So schön gäll! So ond mehr bastlet jetzt no es Schildli ond lönd eus au lo fotografiere oder?
Klara: Jaaaa! Loooos! Bes bald liebi Leser!
Jaro: Tschüss zäme!


Duo Klaro (Klara und Jaro) erzählt. Geschichten aus dem Hundehotel:

vom 17.07.2017


Klara: Hallo!
Jaro: Hoi zäme!
Klara: Jaro ich be no sooo müed! DMänsche hend gester do bi eus ergend so en Kurs gha ond mehr hend jo met gemacht!...
Jaro: Genau! Weisch du no wie da gheisse het?
Klara: Sie hend öbis gseit vo Listehundtheoriekurs.....hesch du verstande om wa dases gange esch?
Jaro: Ergendwie ned so recht! Die hend vo Hünd gred wo ergendwie ufere Liste send ond wo mr ergend e Prüefig muess mache.
Klara: Komisch! Ich ha gmeint Hünd send eifach Hünd?!
Jaro: Ja ich be au ned ganz drus cho! Meinsch mehr send au uf dere Liste das mehr hend "müesse" met mache?
Klara: Ou gueti Frog! Wer da schlimm?
Jaro: Nei ich glaub ned. Ich mein i dem Büechli inne esch jo au so en Hund gsi de het us gseh wie dJara oder dSally ond die send jo mega cool!
Klara: Ja da send zwoi ganz gueti Gspöndli vo eus! Meinsch of dere Liste send eifach die coolste Hünd?
Jaro: Ich weiss ned, aber denn müesstet mehr jo au det druffe si oder?
Klara: Sowiso!! Aber send au mega netti Mänsche gsi wo do gsi send, die hend eus fest kräbelet!
Jaro: Ou ja! Ich ha de Kurs mega spannend gfunde.
Klara: Ich au!
Jaro: Ah ja? Du besch doch metem Chopf ufem Büechli igschlofe!
Klara: Nei secher ned, ich ha nor e chlini denkerischi Pause gmacht!
Jaro: Ja genau! Guet, wörkli vill hani au ned met öbercho vo dem wo dEsther verzellt het, ich be mega beschäftiget gsi met Chräbeli abhole bi de Mänsche!
Klara: Ja du hesch si ame fascht chli zfest abglänkt!
Jaro: Meinsch? Ou....
Klara: Nei ich glaub si hend scho guet zuegloset!
Jaro: Phu do beni aber froh, stell dehr vor die wördet wege mehr dPrüefig ned bestoh....
Klara: Neinei ich glaub die packet da scho!
Jaro: Also ich chome jo emmer noni drus wiso di einte Hünd uf dere Liste stönd ond desi ned!
Klara: So gohts mehr au! Meinsch eusi Mänsche hend för dJara oder dSally au müesse so e Prüefig mache?
Jaro: Ja also weni da rechtig verstande ha denn het dEsther met de Jara da scho au müesse mache!
Klara: Ond met de Sally?
Jaro: Ich glaub well dSally jo "nome" es Pfleghundeli esch hends da noni müesse mache. Aber dSally muess denn die Prüefig scho au no mache.
Klara: Aha! Stimmt, dJara het mol so öbis verzellt! Aber meinsch mehr müend da au mache?
Jaro: Nei ich glaub ned....soscht hete mr da secher scho lang müesse oder?
Klara: Stimmt! Also demfall semmer definitiv ned uf dere Liste....
Jaro: Nei demfall ned! Ich chom emmer noni drus wiso dJara und dSally druf send aber mehr ned....
Klara: Ich au ned, aber velecht müend mehr au ned drus cho....
Jaro: Alwe scho ned! Klara ich glaub ich go jetzt nomol go sBüechli studiere ond dröber no denke, vellecht chomi jo denn druf! Chunsch au?
Klara: Ja ich chome au! Bes gli liebi Leser!
Jaro: Tschüss zäme!!


Duo Klaro (Klara und Jaro) erzählt. Geschichten aus dem Hundehotel:

vom 10.07.2017


Jaro: Hallo!
Klara: Hallo zäme!
Jaro: Phu am Samstigobe esch denn schlimms Wetter gsi bi eus!...
Klara: Ja du seisch es! Wow het das grägnet und blitzt und donneret!
Jaro: Ich has ned so toll gfunde....es esch soo lut gsi verusse.
Klara: Ja wörkli! Ich glaub mehr hends alli ned so toll gfunde!
Jaro: Scho ned gell....alli send chli dor de Wind gsi ond hend gspannt gloset was dusse passiert!
Klara: Ja ond denn erst da Wasser wo dStross dorab cho esch! Het usgseh wie en Fluss!
Jaro: Ond mehr hend bitz Angst gha das da is Huus ie chunt!
Klara: Ja ond drom hemer de Esther umbedengt welle use go helfe!
Jaro: Naja also ich ha ned ombedengt use welle....du weisch jo dasi Rege ned sooo gern ha!
Klara: Oh ja da weiss ich! Om so cooler das chli hesch welle hälfe!
Jaro: Ja met de Stifel wers gange! Ich hasses eifach wenn mini Pfote nass werdet! Iii!
Klara: Ond genau drum het eus jo dEsther Stifel brocht! Si het zwar gseit mehr sellet ned met use cho, seg vell zgföhrlich! Aber dStifel hemmer glich döffe alegge!
Jaro: Ond ich be no zwoi Chesseli go hole zum helfe Wasser abschöpfe!
Klara: Ja! Da esch e mega gueti Idee gsi Jaro! Blöderwiis hemmer met dene Stifel gar ned chöne laufe.....
Jaro: Nei die send vell zgross gsi! Schöne Seich!
Klara: Ja chom du besch doch froh gsi hesch weder ie is Trochne chöne!
Jaro: Nei ich ha au welle hälfe!!
Klara: Ja da hesch secher welle, aber bitz froh besch scho gsi hesch weder ie chöne oder?
Jaro: Also guet ich gebes zue! Ganz ghür esch mehr da Wetter scho ned gsi!
Klara: Nei mehr au ned! Und stell dehr vor, ich mein laufe hemner jo ned chöne met de Stifel, geschwege denn schwimme!!
Jaro: Velecht het drum au dEsther gseit mehr sellet dinne blibe?
Klara: Ja alwe scho! Dinne eschs au vell gmüetlicher gsi ond schliesslich hend mehr müesse helfe eusi Gspöndli bitz zberuige!
Jaro: Da stimmt, also hemmer jo glich öbis chöne hälfe oder?
Klara: Sowiso! Ond mehr hend jo au mega Glück gha esch sWasser ned is Huus ie cho!
Jaro: Da stimmt ond ergendwenn hets jo denn au ufghört regne und winde!
Klara: Aber ich finde mehr hend lustig usgseh met de Stifel! Aber liebi Leser lueget doch grad selber, mehr hend müesse för Föteli anehebe!
Jaro: Genau! Bes bald! Euches Duo Klaro!
Klara: Bes inere Wuche!

 


Duo Klaro (Klara und Jaro) erzählt. Geschichten aus dem Hundehotel:

vom 03.07.2017


Klara: Hoi zäme!
Jaro: Klara ich ha grad ke Ziit zum hallo säge, chasch du da schnell mache för me?
Klara: Ond au hallo vom Jaro! Wa machsch denn du di ganz Ziit?
Jaro: Klara ich muess doch sChörbli parat mache?
Klara: SChörbli?
Jaro: Ja, weisch da för eusi gueti Fröndin wo im Moment im Spital esch!
Klara: Stimmt! Da hemer jo met eusne Mänsche abgmacht!
Jaro: Genau ond well i hoffe das si scho bald hei chunt mueni da doch jetzt umbedengt fertig mache!
Klara: Chom ich hilf dehr! Esch jo so en Armi eusi Fröndin!! Si muess hött grad operiere oder wie da heisst!
Jaro: Ja....sie esch jetzt scho mindistens 4x bim Dokter gsi ond wenn si hei cho esch, esch si ame immer no meega müed gsi!
Klara: Ergendöbis met ehrem Zehe stimmt ned, hend dMänsche gseit!
Jaro: Ja zerst esch er meeega dick worde und sie het mehr gseit dases fest weh tuet!
Klara: Ond denn hends ergendwie öbis gmacht bim Dokter, ufallfäll het si nachher so Fäde dinne gha....weisch du wa da esch?
Jaro: eusi Mänsche hend gseit es segi gnäiht worde ond si döffi jetzt ned met eus spele!
Klara: ond debi heti si soo gern met eus gspilt!
Jaro: Ja! Ond denn het da metem wehtue ergendwie ned ufghört und esch weder schlimmer worde. Ond am Fritig hend eusi Mänsche gseit si müess jetzt sofort zum Arzt und de müessi ehre de Zehe abne....
Klara: Abne?!
Jaro: Ja....de seg so schlimm kaputt das er niemeh wärdi ganz werde.
Klara: Ou nei!! Die arm Muus! Meinsch si cha nachher no laufe?
Jaro: Also weni da rechtig verstande ha scho ja, aber si döff denn noni met eus spele! Aber nachher hends da ergendwie glich ned chöne mache well de rechtig Dokter ned det gsi esch!
Klara: Mhm komisch....aber drom esch sie jetzt im Spital?
Jaro: Ja hött esch de rechtig Dokter det ond drom müemer schnell euses Chörbli fertig mache ond ehre denn as Chrankebett abestelle!
Klara: Guet! Si chunt nämli es Spelzüg vo eus öber!! Wenn si scho ned met eus cha spele denn wenigstens met eusem Spelzüg! Meinsch sie het Freud?
Jaro: Ja do beni ganz secher! Sie het jo schomol so eis gha ond a dem het sie meega Freud gha. Aber eusi Mänsche hend gseit wenn sie denn hei chunt müend mehr ganz ruig si!
Klara: Sie brucht denn no vell Schlof und muess sech fest erhole vom Spital gäll?
Jaro: Genau! Wo sie di letschte 3x hei cho esch, esch sie ergendwie no total näb de Schueh gsi!
Klara: Stimmt ond sie het denn no vell müesse schlofe gäll! Aber för da het sie jo ehres eigete Chrankebettli öbercho wo sie hoffentlich ganz schnell weder gsund werd!
Jaro: Ja eusi Mäsche lueget ganz fescht uf sie!
Klara: Ich freu mi ganz fest druf das sie gli weder do esch! Wemer ehre no öbis zÄsse is Chörbli tue?
Jaro: Ou ja! Gueti Idee! Sie brucht vell Energie zum weder gsund werde!
Klara: Also chom, denn het sie öbis zum spele, öbis zum fresse und de Glücksbringer hemmer ehre jo scho met ge in Spital!
Jaro: Genau! So sChörbli esch fertig! Gömers go anestelle?
Klara: Ja!! Liebi Leser, helfet doch mit för eusi Fröndin ganz fest Dumedrucke das sie gli weder ganz gsund esch!!
Jaro: Da wär super!! Danke vell mol! Bes gli! Mehr gönd jetzt go warte!! Tschüss!
Klara: Tschüs zäme!!

Duo Klaro (Klara und Jaro) erzählt. Geschichten aus dem Hundehotel:

vom 25.06.2017


Jaro: Hallo zäme! Uh hött hemmer öbis cools erlebt!
Klara: Hallo! Ou ja, mehr send nämmli zäme metem Idi an Bahnhof go dKim abhole!
Jaro: Genau! Ond es het soo vell zgseh ge underwegs! Vo frömdem Hund öber Rossschiisdräck......
Klara: He! Da döff me ned säge!!
Jaro: Aber esch doch Rossschiisdräck!
Klara: Ja aber weisch wie gseht da us wenn mehr do das sch....Wort bruchet! Oisi Mänsche hend doch gseit mehr müesset aständig si!
Jaro: Aber mehr send jo aständig, ich mein keine vo eus het vom Rossschiisdräck gässe! Au de Idi ned!
Klara: Jaro! Ned scho weder da Wort! Ich ha mi meega gfreut am Bahnhof dKim zgseh!
Jaro: Ich me au. DKim chunt jedi Wuche es paar Tag zu eus und si esch total cool drufe, mehr hend si rechtig gern, gäll Klara?
Klara: Ja da esch eso! Weisch wa hani gemein gfunde?
Jaro: Nei?
Klara: Weisch sFrauchen vo de Kim het doch zu eusem Mänsch gseit si heg no Läckerli met brocht.
Jaro: Ja?
Klara: Ond ich ha mi meeega gfreut das mehr Läckerli öber chömet.....aber die send gar ned för eus gsi! Da send jo Mänsche-Läckerli gsi...
Jaro: Du hesch wörkli gmeint die send för eus? Neeeiii! Die hend doch Schoggi dinne! Da esch gföhrlich för eus!
Klara: Ja da hani doch zerst ned gwüsst....die Frau het gseit Läckerli....ond nachher deheime hanis denn scho gmerkt das die gar ned för eus send.
Jaro: Aber eusi Mänsche hend mega Freud gha ond da esch doch au schön! Sie hend öbrigens no gseit mehr sellet i ehrem Name im Heidi no ganz härzlich Danke säge!
Klara: Ok! Öhm danke Heidi! Guet so?
Jaro: Super! Ond öbrigens hend mehr jo denn Deheime no Läckerli öbercho!
Klara: Ja da stimmt und dKim esch jetzt au do! Sooo lässig! Wa meinsch? Wemer no e Rundi go spele met ehre?
Jaro: Mhm ich be nach dem spannende Spaziergang an Bahnhof ergendwie scho weder chli müed....meinsch wemer ned no chli at Obesunne ligge?
Klara: Ja chömer au mache, aber morn spele?
Jaro: Ja!! Ombedengt! Morn chömet jo denn au weder alli eusi Gspöndli! Da werd luschtig!
Klara: Ou ja!! So ich go go ligge! Tschüss zäme! Gnüsset de Sonndigobe!
Jaro: Chome au! Tschüss zäme!!

Duo Klaro (Klara und Jaro) erzählt. Geschichten aus dem Hundehotel:

vom 17.06.2017


Jaro: Hallo vom Duo Klaro!
Klara: Genau! Hoooii zäme!
Jaro: Mehr müend euch ombedengt verzelle das mehr die Woche am Donnstig ufem Buurehof gsi send!...
Klara: Ja da esch soooo cool gsi! Mehr hend ufem ganze Hof ohni Leine döffe ume frääse!
Jaro: Ond es het soo vell zgseh ge! Es het det so grossi schwarz-wiisi Tier gha....dMänsche hend öbis vo Chüe oder so gseit! Die send mega spannen gsi! Au wenns eus met grosse Auge aglueget hend! Aber hend sogar ganz nöch ane döffe zum si aluege....ich ha sogar a einere gschmöckt! Schmöcket aber komisch....
Klara: Ou....ich cha chli Angst gha vor dene, send ergendwie chli sehr grossi Hünd!
Jaro: Nei Klara da send ke Hünd gsi....ebe ergendwie Chüe oder so!
Klara: Okey....ha trotzdem Angst gha!
Jaro: Ja ich weiss, ich au bitz, aber ha so au sooo cool gfunde! Ond die chline Tier, weisch die wo fascht so chli send wie mehr, die send au toll gsi!
Klara: Ah du meinsch Zwärggeissli? Die send so loschtig omegumpet gäll aber vor dene hani au chli Angst gha. Aber ich ha mi bes ganz nöch an Haag anegetrout.
Jaro: Ja aber au nome wenns ganz still gstande send. Aber ich ha dehr jo det scho gseit, die machet nüt!
Klara: Da chasch du scho säge, ich mein die hend Hörner!! Stell dehr mol vor....aber die Frau wo eusi zwe Mänsche send go bsueche, die esch mega lieb gsi!
Jaro: Ou ja ond die Frau het ganz vell Leckerli gha för eus ond mehr hend sogar it Chuchi döffe ond gaaanz frei im Garte omespringe!
Klara: Mehr hend sowiso alles döffe ond kräbelet het si eus au no!!
Jaro: Stimmt! Ich glaub da esch sMami vo de Fabienne gsi, hani emel so am Rand met öbercho.
Klara: Da chönt si, esch ämel en u lässige Nomitag gsi! Meinsch mehr gönd die Frau weder emol go bsueche?
Jaro: Ja ich glaub scho, eusi zwe Mänsche hend öbis gseit vo da seg so chli die zwoit Heimat. Weisch du wa die meinet demet?
Klara: Ja also Heimat esch jo det wo mr deheime esch ond wenn da di zwoit Heimat esch, denn hemmer so wie es zwoits Deheime oder?
Jaro: Meinsch? Öh da wer jo cool! Velecht het die Frau jo no vell meh Leckerli ond die Chüe weti scho gern gli weder gseh!
Klara: Ou ja!! Aber ich glaub bi de Mänsche esch da wi bi eus Hünd, Familie esch dene glaub au sehr wechtig!
Jaro: Ja da glaubi au! Super! Denn gömer secher bald weder uf de Buurehof! Hey aber weisch wa? Ich be sooo müed gsi nach dem super tolle Nomitag!
Klara: Ja ich au und weisch no womr hei cho send semmer fascht im Stoh igschlofe!
Jaro: Da stimmt, emel du....so ich glaub mehr hend för die Woche gnueg verzellt! Bes baaald! Tschüss!
Klara: Ja klar.....du ämel au! Bes gli! Hebet euch Sorg! Tschüss zäme!

Duo Klaro (Klara und Jaro) erzählt. Geschichten aus dem Hundehotel:

vom 17.06.2017


Klara: Hoi zäme! Phuuu gester eschs heiss gsi!
Jaro: Hallo!! Ou ja, du seisch es!
Klara: Ond die Hitz macht sooo müed! Ich be so müed gsi gester....
Jaro: Ja ich au ond eusi Gspöndli glaub au. Es het ämel fascht de ganz Tag niemer möge spele met mehr...
Klara: Da esch mehr au ufgfalle. Guet mehr eschs recht gsi, ich mag ned ume springe wenns sooo warm esch!
Jaro: Nei ich au ned. Blöd esch nome, die zwe Mänsche hend doch gester welle Föteli mache wie mehr met anderne Hünd spelet....us dem esch aber ergendwie nüt worde.
Klara: Stimmt sie hend jo gseit mehr sellet au mol chli vo eusne Gspöndli verzelle ond ned immer nome vo eus.
Jaro: Jaja.....wetsch du chli öbis verzelle?
Klara: Machi doch gärn! Also well mr gester ned hend möge spele hemmer da hött Morge scho usgiebig no gholt!
Jaro: Ou ja! Hött esch zum Glöck nöm so heiss und mehr hend eusi Gspöndli wo hött cho send scho im Garte erwartet!
Klara: Ja ond denn hemmer grad dMarley zum Spel ufgforderet gäll!
Jaro: Genau ond ich spelle so gärn met ehre! Sie esch mega e Luschtigi, dKim, sHolly und de Cookie hend au grad metgmacht! Je meh um so luschtiger!!
Klara: Ja ond sie spelltet au mega gärn met eus! Mängisch döff dMarley met de ganz grosse Buebe zäme si ond met dene cha sis au mega guet obwohl si so chli esch!
Jaro: Ja ond die grosse gänd mega Sorg zu ehre und send ganz fiin!
Klara: Also genau eso wie mehr gäll Jaro!
Jaro: Jaa....genau eso....obwohl mängisch besch du ned sooo fiin....
Klara: Aber du scho oder wa? Ich glaub mängisch semmer eifach chli zhaschplig...
Jaro: Ämel du secher ja!
Klara: Ja chom du besch doch kes Höörli besser! Mängisch frässisch wie en Irre dor de Garte!
Jaro: Jaaaa! Da macht weisch wie Spass und denn springt mängisch de Eint oder Ander no mit!! Aber also fiin semmer jo eigentli scho, aber betz zhaschplig? Goht eusne Gspöndli ame ergendwie bitz zschnell.
Klara: Scho gäll....aber sie kännet eus jo scho fang und chönt ganz guet demet umgo ond mehr meinets jo ned bös. Aber ich ha halt immer sooo Freud wenn alli weder chömet ond weiss denn ame gar ned met wem ich sell als ersts spele.
Jaro: Genau eso gohts mehr au! Ond drom hend ergendwie alli scho mol müesse dra glaube hött Morge! Uuuhhh das het Spass gmacht!
Klara: Ou ja!! Aber jetzt hend eus dMänsche e chlini Pause verordnet, dass mr ned alli närrisch machet ond so i de ganze Gruppe schlofe fendi au u schön!
Jaro: Ich mag au scho weder nöm drom fendi chli Pause super ond eusi Gspöndli send jo no de ganz Tag do!
Klara: Genau! Freu mi scho ufne wiiteri Rundi dor de Garte, aber jetzt zerst mol Chraft tanke! Bes es anders Mol! Tschüüüss!!
Jaro: Tschüss zäme!!

Duo Klaro (Klara und Jaro) erzählt. Geschichten aus dem Hundehotel:

vom 04.06.2017


Klara: Hallo zäme!!
Jaro: Hallo au vo mehr!
Klara: Du Jaro, säg mol wo besch du eigentlich gester de ganz Tag gsi? Ich ha di sooo fescht vermesst!...
Jaro: Klara du hesch doch gwüsst das ich gester be go schaffe! Weisch esch doch sPfingsttraile vo de Hundeschuel ond ich ha de gaaanz Tag döffe Mänsche sueche! Da esch denn cool gsi!
Klara: Stiiimt! Ond trotzdem hesch mi eifach de ganz Tag elei glo....da goht imfall ned! Ha di wörkli mega vermesst!
Jaro: Ich ha di doch au vermesst! Aber esch mega cool gsi, weisch dSally esch au met cho ond het au Mänsche gsuecht!
Klara: Hallo? Ich vermess di so und du gosch met andere Wiibli go schaffe.....da esch also ned okey!
Jaro: Klara beruig di! DSally und ich send nome gueti Kumpels und ich ha so Freud gha, si hets rechtig guet gmacht! Aber wer schön gsi wersch au met cho!
Klara: Ich ha do deheime müesse nachem Rechte luege! Hesch gseh, dFabienne und ich hend zäme en chline Pool ufgstellt und ich ha denn nachher mega guet müesse ufpasse das nüt passiert! Wie en rechtige Badmeister!
Jaro: Gsesch! Ond so hend mehr doch beidi euse Job gha gester ond du besch en rechtig guete Badmeister gsi!
Klara: Ich ha mi deför meeeega gfreut wod ändlich weder hei cho besch!
Jaro: Ja ich me au! Ond denn hend mehr jo zäme no döffe dLösli zie! Da het mega Spass gmacht.
Klara: Ich muess jo ehrlich säge ganz verstande hani ned om wa dases det gange esch....aber di bede Mänsche hend ämel mega de Plausch gha.
Jaro: Ja gäll, ich ha det eifach so es Kartonstück usegno ond die hend da super gfunde. Wenns nome immer so eifach wer.....
Klara: Weisch ich fends sowiso besser wenn du dech om so Sache kömmerisch. Ich ha schliesslich zdue met Badmeister si ond mis Fäll pflege!
Jaro: Jaaa genau...du besch doch eifach ned drus cho.
Klara: Hey da esch ned fair! Natürli beni drus cho....aber ich ha dehr jo au ned welle dini Arbet striitig mache ond du hesch da sooo guet gmacht!
Jaro: Also guet. Es doch en lässige Tag gsi!
Klara: Gosch denn weder emol met go Mänsche sueche?
Jaro: Ja ich dänke scho! Muesch denn luege, dMänsche hend es Föteli gmacht woni grad en versteckte Mänsch finde!
Klara: Ou cool! Muessi denn grad luege! Aber velecht gosch nöchst mol nöm en ganze Tag? Ha zwar de ganz Tag met eusne Gspöndli chöne spelle, aber vermesst hani di trotzdem!!
Jaro: Also guet! Aber weisch wa? Jetzt hend mehr jo Ziit zum schmüsele ond spele! Besch debi?
Klara: Ja es rägnet jo sowiso hött! Ich wett ned ombedengt scho verusse....lisch chli zo mehr ane?
Jaro: Ja esch scho weder rechtig doof da Wätter! Also mach chli Platz, mehr chönd jo spöter nochli spele, esch guet?
Klara: Da esch doch super! Also liebi Läser mehr mäldet eus gli weder! Machets guet! Bes denn!!
Jaro: Ahja ond dene 3 wo öbis gunne hend Gester au vo eus no härzlichi Gratulation! Bes gli!
Klara: Hä? Het öber öbis gunne??
Jaro: Ha jo gseit du besch ned drus cho! Legg jetzt weder ane! Genau! So eschs bequem!

Duo Klaro (Klara und Jaro) erzählt. Geschichten aus dem Hundehotel:

vom 21.05.2017


Klara: Hey hesch gseh! Lueg mol! Oh das esch denn en höbsche Kärli!
Jaro: Hey Klara hör uf, mr chönd doch ned die frömde Hünd wo a eusem Garte verbi laufet so beobachte!
Klara: Werom ned? Secher chömer! Ich go jetzt grad an Hag före de Höbsch go begrüesse!
Jaro: Klara nei! Blib jetzt do! Du weisch doch das eusi Mänsche ke Freud hend wenn mehr an Hag före gönd go "Hallo" bälle ond sowiso hani denkt mr chöntet mol no eusi Leser begrüesse!
Klara: Ou ja! Döffi si met freudigem Gebäll begrüesse?
Jaro: Spinnsch! Eusi Mänsche hend doch gseit sie wend ned das mehr die ganz Ziit bället.....weg de Nochbere oder so!
Klara: Wäg de Nochbere? Aber mehr hend jo gar ke Nochbere! Ich wörd jetzt glich mol "Hallo" bälle.....
Jaro: Neeeeiiii! Sie hend au no gseit si wend ned das mehr so "uefahret"! Ke Ahnig was da heisst...
Klara: Uefahre?! Komisch! Aber es macht doch soooooo vell Spass wenn mr chli cha luuut Haaaaallllloooo rüefe! Fendsch ned?
Jaro: Mol scho, aber ich cha denn ame fascht nöm ufhöre ond werde ganz nervös! Da hani ned so gern! Meinsch sie meinet da met "uefahre"?
Klara: Stimmt goht mehr ame au so! Mhmm....ja da chönt natürli si dasi da meinet.....ou nei log jetzt esch de höbsch Kärli scho dore gloffe ond ich hanen ned emol chöne go begrüesse....shit morn om do glich Ziit hocket mr weder do uf de Stuel und lueget oder? Velecht gsehni ehn jo denn nomol!
Jaro: Ou man....wenn du nome chasch de höbsche Buebe no luege....!!
Klara: Ich luege jo nome....meistens getroui mi jo au ned abe an Hag go luege.
Jaro: Weisch no wods letsch Mol besch go luege ond "Hallo" bälle?!
Klara: Hör uf, weisch wie beni verschrocke wo plötzlich all eusi Gspändli do im Garte au hend welle go hallo säge.....zom Glöck send eusi Mänsche do gsi wo sofort gseit hend sie wend da ned!
Jaro: Ja stell dehr mol vor mehr hettet denn alli bället.....uh da wer weisch wie luut gsi!
Klara: Ou ja.....nei esch glaub besser hend dMänsche denn igriffe. Da macht mi au immer so nervös wen öber bället ond ich weiss ned werom!
Jaro: Ja da goht mehr au so!
Klara: Aber esch jetzt scho chli schad hani de höbsch Kärli ned chöne känne lehre!
Jaro: Also chom jetzt, do bi eus send jede Tag so vell tolli und höbschi Hünd! Werd woll eine debi si wod lässig fendsch oder?
Klara: Ja, dech! Ah ja und de Vrint, de Bilo, de Uno, de Idi, de Spyke, de Gylfie, de Hendrix, de Dayno, de Daymont, de Momo, de Miro und de Milo! Also eigentlich all!
Jaro: Hanis doch dänkt! Aber mehr hend au ganz tolli Meitli do zom Bispel dHabana, dKim, dHolly, dEli, dMarley, dAmy, dSally, dLaika.....ach ich ha si eifach alli gärn!! Send aber au all mega nätti oder? Ond mr cha sooo guet spele met dene!
Klara: Ja da stimmt! Du hesch jo rächt....aber chli luege was so alles verbi lauft esch ebe glich au spannend!
Jaro: Ond jetzt? Hesch gnueg glueget? Wemer mol e Rundi dor de Garte mache ond chli fangis spelle?
Klara: Ja eifach morn om di glich Ziit müemer weder luege gäll!!
Jaro: Jaaa klar! Ich fang a!! Fang mi doch!! Tschüss liebi Leser......bes baaaald!!
Klara: Jaro wart!!!!! Also guet ich geb ehm chli Vorsprung, ich fangen jo sowiso!! Tschüss zäme bes es anders Mol!

Duo Klaro (Klara und Jaro) erzählt. Geschichten aus dem Hundehotel:

vom 14.05.2017


Jaro: Hallo zäme! Phuuu was för e Woche, sooo vell Action!
Klara: Hoi zäme au vo mehr! Ja du seisch es! Aber sWätter esch besser worde.
Jaro: Ja und mehr hend scho es paar Mol chöne so rechtig sönnele im Garte....
Klara: Aber de Vollmond het mehr also scho chli zschaffe gmacht.
Jaro: Ned nor dehr. Ergend wie send alli eusi Gspändli chli anderst druf gsi die Woche....
Klara: Ja gäll da hani au denkt. Du säg emol, hesch eigentlich du sSofa usenand gno?
Jaro: Nei spinnsch! Aber gseht doch no cool us oder?
Klara: Naja, so es ganzes Sofa han ich scho ken Seich gfunde. Aber mr cha jo immer no gmüetlich drof legge. Beschs jetzt du gsi oder ned?
Jaro: Nei ich bes wörkli ned gsi......aber ich weiss wers gsi esch....
Klara: Aha? Wer denn?
Jaro: Mhm ha versproche dasis ned due verrote.....
Klara: Ou chom!
Jaro: Also guet ich flüschteres dehr, aber du döffschs niemertem säge! Versproche?
Klara: Ja klar! Versproche!
Jaro: Haha ich sägs dehr glich ned!!
Klara: Ou man du besch doof! Velecht fendis jo selber use.
Jaro: Ja, velecht. En chline Tip chani dehr no ge, es esch keine vo de Tages- oder Feriehünd gsi!
Klara: Ou denn blibt nöm vell öbrig......ahaaaaa ich weisses!! Es esch de.....
Jaro: Hey!!! Ich ha versproche s ned zverote!!
Klara: Guet, ich sägs niemertem! Aber werom het de euses Sofa kabutt gmacht?
Jaro: Ke Ahnig! Er het gmeint es heg meeeega Spass gmacht.....beses die zwe Mänsche gseh heget.....
Klara: Ou nei und denn?
Jaro: Ich glaub dene hets ned soooo vell Spass gmacht.
Klara: Ja da chani mehr vorstelle. Send secher meeega verruckt gsi.
Jaro: Ich glaub bim erste Mol noni.
Klara: Oh de het meh als eimol dranome kafflet?
Jaro: Öhm ja.....glaub scho!
Klara: Ohoo!!
Jaro: Ja dMänsche hend jetzt en Stuel an akafflete Egge ane gstellt. So das mr nöm cha wiiter kaffle!
Klara: Ond hets öbis gnützt?
Jaro: Ja ich glaub bes jetzt scho. Ha denn au no es Wörtli met ehm gred. Wer jo schad om euses ganze Sofa!
Klara: Ah super! Ja wer wörkli schad! Ich kuschele so gern met dehr ufem Sofa! Wa meinsch, wemer usprobiere ob mr no cha schlofe ufem Sofa?
Jaro: Pssst, wie gseht denn da us vor de Leser?Kuschle......ich be en rechtige Hund ond kes Kuscheltier!
Klara: Ja Jaro esch jo guet! Wa meinsch jetzt, gömer go luege?
Jaro: Also guet, so e Mütze Schlof cha ned schade....ich hoffe es get den nachher gli mol öbis zässe....ha nämli Hunger!
Klara: Ja du seisch es! Ich au! Aber mehr werdet secher wach wens öbis get oder?
Jaro: Ja da sowiso! Also chom mehr hauet eus nochli ufs Sofa! Tschüss zäme liebi Leser! Bes innere Woche....mol luege obs bes denn sSofa no get....
Klara: Tschüss zäme! Bes ganz gli!

Duo Klaro (Klara und Jaro) erzählt. Geschichten aus dem Hundehotel:

vom 08.05.2017


Klara: Hallo zäme, die meischte vo euch kännet eus scho. Mehr send Klara und Jaro usem Hundehotel Reussweid. Wenn die zwe Mänsche wo bi eus wohnet eus rüefet, denn rüefets eus meistens ned Klara und Jaro sondern grad beides vereint nämli Klaro. Drom send mehr sDuo Klaro.
Jaro: Öhm döff ich jetzt au mol öbis säge?
Klara: Also eigentlich beni noni fertig gsi.....aber okey well dus besch!
Jaro: Danke....genau! Mehr send bätte worde doch ame chli öbis us eusem Alltag do zverzelle!
Klara: Ond mehr hend eus scho en Huufe Gedanke gmacht was mr alles chöntet verzelle......zum Biespel het de Jaro gester...
Jaro: Hey! Mehr hend abgmacht das mr da ned verzellet!!
Klara: Ou ja stimmt......uuups!
Jaro: Also ich schloh vor das mr mol chli vo hött verzellet. Mehr hend eus hött Morge wie jede Morge meeeeega gfreut verusse zdöffe.......aber nome bes mehr gseh hend wie s Wetter dusse esch....
Klara: Mr muess velecht wösse das de Jaro Rege gar ned gern het.....Mehr hingegeg macht da ned so vell us.
Jaro: Äh paperlapap! De Rege esch doof da stimmt....aber du Fräulein hesch de Rege au ned gern.....dis prinzessinehafte Fäll chönt jo nass und dräckig werde......gell.....
Klara: Hör doch uf! Mis Fäll esch au no schön wens nass esch ond drom esch mehr de Rege schnurzpiipegal!
Jaro: Dis Fäll gseht immer guet us! Aber mr wend jo eusi Leser ned met dim Fäll langwilie oder?
Klara: Also guet! Die bede Mensche wo no bi eus wohnet hend hött Morge scho ganz fliessig Hünd abgholt........iiiiiii die arme Hünd hend in Rege use müesse.....!!
Jaro: Ja ond die wo do acho send send nass gsi ond die meiste hend also gar ke Freud gha a dem Wetter.....vorallem dTari het sech bi mehr beklagt....."So früe uf heg si müesse und denn erst no in Rege use! Pfui!".
Klara: Dene sells ned besser goh wie eus. Jede Tag esch do i aller herrgotts Früe Tagwach ond chum besch rechtig wach muesch au no in Rege use! Ich wett au gern weder emol chli usschlofe!
Jaro: Hör uf jommere......du chasch jo jetzt no de ganz Tag schlofe oder? Ond sowiso ich fends immer super wenn alli eusi Gspöndli weder chömet! För da stohni gärn früe uf!
Klara: Mhm ja guet da stimmt.....aber weisch wa? Ich be sowiso scho weder müed ond go jetzt nomol ondere! Bi dem Wätter chönti de gaaaanz Tag schlofe! Ond du?
Jaro: De Daino, de Charly und ich hends vorher scho mega lustig gha metenand! Aber jetzt beni au müed.......ich chome au no e Rundi cho ligge. Spöter spelet mehr aber alli nomol metenand oder?
Klara: Ja natürlich.......bes jetzt ruig ich well schlofe!
Jaro: Ja ich be jo scho ruig! Mehr settet eus no vo de Leser verabschede!
Klara: Mach du!
Jaro: Okey! Also liebi Leser, mehr gönd jetzt nomol go schlofe und meldet eus denn weder einisch. DMänsche hend gseit so einisch i de Woche länget.......ich fends chli schad......mehr hetet jede Tag öbis zverzelle.....aber sie hend gmeint da längi.....naja denn segs eso! Hebet en gueti Ziit und trotz dem iiiiiiiiiigittttt Rege en schöne Tag! Bes bald! Euches Duo Klaro!